Mirzo Ulug‘bek nomidagi Samarqand davlat texnika universiteti Iqtisodiyot va boshqaruv fakulteti tyutorlari tashabbusi bilan talaba-yoshlar ishtirokida “Fuqarolarning iqtisodiy, ijtimoiy va madaniy huquqlarini odil sudlov orqali himoya qilish kafolatlari” mavzusida davra suhbati tashkil etildi.
Tadbir Ijtimoiy va tabiiy fanlar kafedrasi falsafa fanlari doktori Rasulov Begzod hamkorligida o‘tkazildi.
Davra suhbati davomida fuqarolarning iqtisodiy, ijtimoiy va madaniy huquqlarini ta’minlash, ularning qonuniy manfaatlarini himoya qilishda odil sudlovning o‘rni hamda huquqiy kafolatlarning ahamiyati yuzasidan fikr-mulohazalar bildirildi.
Shuningdek, talaba-yoshlarning huquqiy bilimlarini oshirish, ularda qonunlarga hurmat va huquqiy madaniyatni shakllantirish masalalariga alohida e’tibor qaratildi. Ishtirokchilar o‘zlarini qiziqtirgan savollarga javob olib, mavzu yuzasidan o‘zaro fikr almashdilar.
