Mirzo Ulug‘bek nomidagi Samarqand davlat texnika universitetida atrof-muhitni muhofaza qilish va hududlarni ko‘kalamzorlashtirishga qaratilgan “Yashil makon” umummilliy loyihasi doirasida ko‘chat ekish tadbiri tashkil etildi.
Universitetning 1-sonli talabalar turar joyi tarbiyachi-pedagogi Azizbek Tursunov bilan hamkorlikda o‘tkazilgan tadbirda ekovolontyor talabalar universitet hududida joylashgan Pedagoglar bog‘ida ko‘chat ekish ishlarini amalga oshirdilar.
Mazkur tadbir universitet hududini obodonlashtirish, yashil maydonlarni kengaytirish hamda talaba-yoshlar o‘rtasida ekologik madaniyat va tabiatga mas’uliyatli munosabatni shakllantirishga qaratildi.
Universitetda ekologik barqarorlikni ta’minlash, yashil hududlarni asrash va ko‘kalamzorlashtirishga qaratilgan tashabbuslar atrof-muhitni muhofaza qilishda muhim ahamiyat kasb etadi.
