Mirzo Ulug‘bek nomidagi Samarqand davlat texnika universitetida iqtidorli talabalar bilan “Ilmiy-tadqiqot faoliyatiga jalb etish va ularning ijodiy qobiliyatlarini qo‘llab-quvvatlash” mavzusida uchrashuv bo‘lib o‘tdi.
Tadbirni ilmiy ishlar va innovatsiyalar bo‘yicha prorektor Abror Gadayev hamda ilmiy-tadqiqot va loyihalar koordinatsiyasi bo‘limi xodimlari olib bordi.
Uchrashuvda universitetning barcha fakultetlaridan mas’ul xodimlar, tyutorlar, ilmiy-tadqiqot va StartUP loyihalar ustida ishlayotgan, jamoat ishlarida faol hamda bilimdon talabalar ishtirok etdilar.
Shuningdek, tadbir davomida universitet Yoshlar akademiyasi lideri, “Mehnat muhofazasi va salomatlik muhandisligi” yo‘nalishi 3-bosqich talabasi Rajabov Bekzod tanishtirildi.
Uchrashuv savol-javob tarzida o‘tib, talabalar o‘zlarini qiziqtirgan mavzular bo‘yicha fikr almashdilar va foydali ma’lumotlarga ega bo‘ldilar.
