Mirzo Ulug‘bek nomidagi Samarqand davlat texnika universitetining 5-tashabbus markazi faollar zalida Zakovat intellektual o‘yini universitet turnirining 2-mavsum final bosqichi bo‘lib o‘tdi.
Final o‘yinini yoshlar masalalari va ma’naviy-ma’rifiy ishlar bo‘yicha prorektor Sherzod Uzoqov kirish so‘zi bilan ochib, barcha ishtirokchilarga omad tiladi. So‘ng talabalar dekani Sherzod Bozorov turnir mukofotlarini e’lon qilib, jamoalarni rag‘batlantirdi.
Talaba klublari bo‘limi boshlig‘i Charos Xushmurodova esa Zakovat klubi faoliyati, mavsum davomida o‘tkazilgan o‘yinlar sarhisobi va kelgusidagi rejalar haqida so‘zladi.
10 ta tur natijalariga ko‘ra g‘oliblar aniqlandi: 1-o‘rinni “Diamond”, 2-o‘rinni “Interstellar”, 3-o‘rinni “Aysberg” jamoalari qo‘lga kiritdi.
Maxsus nominatsiyalar: “Eng faol bilimdon qiz” — Muazzam Boymurodova; “Eng faol bilimdon yigit” — Asror Toshpo‘latov.
Mazkur intellektual musobaqa talabalar tafakkurini rivojlantirish, ularning mantiqiy va tezkor fikrlash qobiliyatini oshirishga xizmat qilmoqda.
