O‘quv-uslubiy bo‘lim

O‘quv-uslubiy bo‘lim mutaxassislar tayyorlashda universitet kafedralari hamda tegishli bo‘lim va xizmatlar faoliyatini muvofiqlashtiradi, ta’lim jarayonini rejalashtiradi, nazorat qiladi va boshqaradi. Bo‘lim boshqa oliy ta’lim muassasalari faoliyatini tahlil qiladi, sohadagi ilg‘or tajribalarni o‘rganib umumlashtiradi va zamonaviy innovatsion pedagogik texnologiyalarni ta’lim jarayoniga tatbiq etadi.

Bo‘lim o‘quv ishlari bo‘yicha prorektor rahbarligida dekanatlar va kafedralar bilan hamkorlikda ish yuritadi va o‘z vakolatlari doirasidagi joriy ishlar yuzasidan unga hisobot beradi. Vazifalarni bajarish uchun bo‘lim xodimlari uchta guruhga ajratilgan (quyida).

• o‘quv jarayoniga oid me’yoriy hujjatlarning sifatli tayyorlanishini va o‘quv jarayoniga to‘laqonli tatbiq etilishini ta’minlash;
• o‘quv jarayonini sifatli tashkil etish, o‘quv ishlarini uslubiy jihatdan ta’minlash va takomillashtirish;
• o‘quv rejasi va dasturlar asosida o‘quv-tarbiya ishlarini amalga oshirish;
• o‘quv yili uchun o‘quv jarayoni jadvalini tuzish, dars jadvallarini tuzishni tashkil etish, o‘quv jarayonini zarur me’yoriy hujjatlar bilan ta’minlash;
• talabalar bilimini nazorat qilish va baholashning reyting tizimi, test nazorati va o‘quv jarayoni sifatini oshiruvchi boshqa samarali usullarni tatbiq etish;
• auditoriya fondi va ma’ruza zallaridan to‘g‘ri foydalanishni ta’minlash va nazorat qilish;
• talabalarning o‘zlashtirishi bo‘yicha xulosalar chiqarish, yakuniy davlat attestatsiyasi natijalarini tahlil qilish va ular asosida universitet Kengashiga hisobot tayyorlash;
• universitet Kengashi, rektorat majlislari va o‘quv-uslubiy kengash uchun o‘quv ishlari bo‘yicha ma’lumotlar va qarorlar loyihalarini tayyorlashda ishtirok etish;
• yuqori tashkilotlarning o‘quv jarayoniga oid buyruq, qaror, ko‘rsatma va tavsiyalari, ilmiy kengash qarorlari, rektor buyruq va farmoyishlarining dekanatlar, kafedralar va boshqa bo‘limlarda bajarilishini nazorat qilish va tahlil etish;
• o‘quv jarayoni va uning moddiy-texnik bazasini rivojlantirish bo‘yicha takliflar tayyorlashda ishtirok etish;
• bo‘lim va kafedralarning guruh jurnallari, o‘qituvchilarning shaxsiy ish rejalari, baholash daftarlari, talabalik guvohnomalari va o‘quv blankalari bilan o‘z vaqtida ta’minlanishini nazorat qilish;
• kafedra va fakultetlardagi o‘quv ishlari bo‘yicha mas’ullar bilan o‘quv jarayoniga zamonaviy axborot va yangi pedagogik texnologiyalarni joriy etish bo‘yicha muntazam seminar-treninglar va maslahatlar tashkil etish;
• talabalar kontingentini aniqlash;
• dekanatlar va kafedralarning yangi o‘quv yiliga tayyorgarligini nazorat qilish.

Guruh bo‘lim boshlig‘i rahbarligida ishlaydi. U o‘quv jarayoniga oid ma’lumotlarni to‘playdi, tahliliy materiallar hamda o‘quv jarayonini takomillashtirishga qaratilgan rektor buyruq va farmoyishlarining loyihalarini tayyorlaydi, ta’lim sifatini oshirish bo‘yicha taklif va tavsiyalar ishlab chiqadi. Guruh vazifalariga, shuningdek, quyidagilar kiradi:

• talabalarning mashg‘ulotlarga qatnashishi va o‘zlashtirish darajasi bo‘yicha ma’lumotlarni to‘plash, tahlil va nazorat qilish;
• davlat attestatsiya komissiyalari faoliyatini tashkil etish;
• o‘quv rejasining bajarilishini va mustaqil ta’lim soatlarining samarali o‘tishini ta’minlash;
• talabalarning malakaviy amaliyotini tashkil etish;
• rahbariyat ko‘rsatmalarini kafedra mudirlari va professor-o‘qituvchilarga yetkazish;
• universitet kafedralari va boshqa oliy ta’lim muassasalarining o‘quv jarayonini tashkil etishdagi yutuqlari, ilg‘or tajriba va usullarini o‘rganish va universitetda joriy etish.

• amaldagi o‘quv rejalari, universitet Kengashi qarorlari, rahbariyat ko‘rsatmalari va davlat ta’lim standartlarini ta’lim jarayoniga tatbiq etish;
• ishchi o‘quv rejalarini ishlab chiqishni tashkil etish;
• o‘quv yuklamalarini rejalashtirish va professor-o‘qituvchilar o‘rtasida taqsimlash;
• kafedralarda o‘quv yuklamalarining o‘quv yili va semestrlar bo‘yicha bajarilishini nazorat qilish va tahlil etish;
• barcha turdagi o‘quv mashg‘ulotlari, oraliq va yakuniy nazoratlar hamda yakuniy davlat attestatsiyasi komissiyalari jadvallarini tuzish;
• bo‘limning yillik ish rejasi, universitet o‘quv jarayoni jadvali, o‘quv yilining asosiy tashkiliy tadbirlari rejasi, pedagogik nazorat, mashg‘ulotlarga o‘zaro qatnashish va ochiq mashg‘ulotlar jadvallarini tuzish.

Guruh professor-o‘qituvchilarning pedagogik mahorati va salohiyatini oshirish, malakali pedagog kadrlar tayyorlashni takomillashtirish bilan shug‘ullanadi. U pedagog kadrlarni vazirlik tasdiqlagan ro‘yxatga muvofiq Bosh ilmiy-metodik markaz va tayanch oliy ta’lim muassasalari qoshidagi malaka oshirish va qayta tayyorlash mintaqaviy markazlariga yuboradi hamda ularning o‘quv yuklamasi to‘g‘ri rejalashtirilishini nazorat qiladi.

Kurslarda attestatsiyadan muvaffaqiyatli o‘tgan o‘qituvchilar egallagan yangi kompetensiyalarni ommalashtirish uchun ochiq darslar, seminar-treninglar va master-klasslar tashkil etiladi; attestatsiyadan o‘ta olmagan o‘qituvchilarning kurslarda qayta o‘qishi va attestatsiyada qatnashishi ta’minlanadi.