Farg‘ona viloyati hokimi Xayrullo Bozorov Samarqand davlat texnika universiteti rektori Chidem Janbay Turkyilmaz hamda uning xitoylik hamkorlarini qabul qildi. Uchrashuvda o‘zaro hamkorlik istiqbollari hamda investitsiya masalalari muhokama qilindi.
Viloyat rahbari bugungi kunda ilm-fan rivojining mamlakatimiz taraqqiyotida muhim o‘rin tutayotganini, shu jumladan Samarqand davlat texnika universitetining bu boradagi qo‘shma dasturlari va investitsiya loyihalarini e’tirof etdi.
Shuningdek, yangi massivlar barpo etilib qurilish sohasidagi ishlar ko‘lami kengayib borayotgan Farg‘ona viloyatida xorijiy investitsiyalar kiritilayotgan yo‘nalishlar haqida ma’lumot berildi va xorijlik investorlar bilan hamkorlik yaxshi samara berayotgani ta’kidlandi.
