Bugun Mirzo Ulug‘bek nomidagi Samarqand davlat texnika universiteti va Xitoyning HENGDA qurilish sifatini nazorat qilish byurosi o‘rtasida muhim hamkorlik shartnomasi imzolandi.
Ushbu kelishuv asosida “Qurilish muhandislik sifatini nazorat qilish ilmiy-tadqiqot instituti” tashkil etiladi; institut Markaziy Osiyo mintaqasidagi ilg‘or laboratoriyalardan biriga aylanishi, qurilish loyihalari uchun sifat nazoratini amalga oshirishi hamda talabalar va olimlar uchun amaliyot va tadqiqot maydoni bo‘lishi ko‘zda tutilgan.
HENGDA kompaniyasi 4 million AQSh dollari miqdorida investitsiya kiritadi; dastlab 1 million dollarlik texnik uskunalar yetkaziladi. Universitet esa institut faoliyati uchun 2000 kv.m tadqiqot maydoni, 200 kv.m ofis hamda yashash va infratuzilma sharoitlari bilan ta’minlaydi.
Institut birgalikda boshqariladi: HENGDA ulushi — uskunalar, SDTU ulushi — joy va ilmiy kadrlar.
Shuningdek, talabalarga amaliyot o‘rinlari yaratiladi, ilmiy loyihalarda hamkorlik qilinadi hamda xalqaro anjumanlar va forumlar tashkil etiladi.
Ushbu kelishuv “Bir makon — bir yo‘l” tashabbusi doirasida Xitoy–O‘zbekiston ilmiy-ta’lim hamkorligining amaliy natijasi bo‘lib, mintaqaviy taraqqiyotga hissa qo‘shadi.
