Samarqandda bo‘lib o‘tayotgan “Turk dunyosi shaharsozlik qurultoyi” ishtirokchilari Mirzo Ulug‘bek nomidagi Samarqand davlat texnika universitetiga tashrif buyurdilar.
Uchrashuvda Samarqanddagi Turkiya Respublikasi bosh konsuli Salih Janer, Turk dunyosi muhandislari va me’morlari ittifoqi raisi Ilyas Demirji, shuningdek, bir guruh qurultoy ishtirokchilari ishtirok etdilar. Universitet tomonidan rektor Dr. Chidem Turkyilmaz, prorektorlar va professor-o‘qituvchilar mehmonlarni kutib oldilar.
Uchrashuv davomida O‘zbekiston va Turkiya o‘rtasidagi ijtimoiy-iqtisodiy va madaniy aloqalar, shuningdek, oliy ta’lim muassasalari o‘rtasidagi ilmiy-tadqiqot hamkorliklari tobora rivojlanib borayotgani ta’kidlandi. Mehmonlar universitetning faoliyati bilan yaqindan tanishib, uning kelgusi taraqqiyotiga ulkan muvaffaqiyatlar tiladilar.
